მას შემდეგ რაც გერმანიის მაუწყებლების მარგულირებელმა რუსული სახელმწიფო მედიის, Russia Today-ის გერმანულენოვანი არხის ტრანსლირება აკრძალა, რუსეთი აცხადებს, რომ გერმანული მედიის, Deutsche Welle-ის მუშაობას რუსეთში კრძალავს.

რუსეთის საგარეო საქმეთა სამინისტროს განცხადებაში ნათქვამია, რომ ხურავს Deutsche Welle-ს რუსულ ბიუროს, ართმევს აკრედიტაციას მთელ თანამშრომლებს და აჩერებს არხის მაუწყებლობას რუსეთის ტერიტორიაზე.

რუსეთსა და უკრაინას შორის არსებული დაძაბულობის ფონზე, გერმანიის მაუწყებლების მარგულირებელმა რუსული სახელმწიფო მედიის, Russia Today-ის გერმანულენოვანი არხის ტრანსლირება აკრძალა. როგორც მარეგულირებლის წარმომადგენლებმა განაცხადეს, RT DE-დაიბლოკა, რადგან მას "აუცილებელი სამაუწყებლო ლიცენზია არ გააჩნია".