ლიეტუვას საგარეო საქმეთა ყოფილი მინისტრის, ლინას ლინკევიჩუსის თქმით, კრემლი დასავლეთს ადანაშაულებს სუვერენული ქვეყნების უფლებების დაცვაში, რომ აირჩიონ საკუთარი მომავალი.

"კრემლი ადანაშაულებს დასავლეთს სუვერენული ქვეყნების უფლების დაცვაში, რომ აირჩიონ საკუთარი მომავალი. "ერთი ქვეყნის უსაფრთხოება არ უნდა გაძლიერდეს დანარჩენების ხარჯზე" — საინტერესოა, ვის ხარჯზე მოახდინა რუსეთმა საქართველოს 20%-ის ოკუპაცია, ყირიმის ანექსია და დნესტრისპირეთში კონფლიქტის გაყინვა?", — წერს ის ტვიტერზე.

უკრაინის საზღვრებთან სიტუაცია უფრო და უფრო იძაბება. 26 იანვარს რუსეთმა ბელარუსში სამხედრო ძალები განათავსა, რითიც უკრაინის ჩრდილოეთით შეიქმნა ახალი სავარაუდო ფრონტი თავდასხმისთვის. ამის ფონზე რუსეთი ამტკიცებს, რომ უკრაინაში შეჭრას არ გეგმავს, ამავდროულად კი დასავლეთი მკაცრი ეკონომიკური სანქციებით იმუქრება. ბოლო ინფორმაციით, რუსეთს უკრაინის საზღვრებთან 100 ათასამდე სამხედრო ჰყავს მობილიზებული.

გაიგე მეტი: