პანდემიამ ბიზნესის მართვა გაართულა, გამოწვევებთან გამკლავება განსაკუთრებით მცირე მეწარმეებს გაუჭირდათ, რომლებიც მცირე ოდენობის ხარისხიან პროდუქტს ქმნიან და საკუთარი პროდუქციის რეალიზაციას სხვადასხვა ბაზარზე ახერხებენ.

ასეთ დროს ქართული წარმოების ცნობადობის გაზრდა და ისეთი ღონისძიების მოწყობა, რომელიც მეწარმეებს დაუჭერს მხარს, უმნიშვნელოვანესია, ამიტომ 5-დან 13 თებერვლის ჩათვლით, ბაზარი ორბელიანზე ნობათობას უმასპინძლებს.

რა დაგხვდებათ ნობათობაზე?

ღონისძიების ფარგლებში, ქართველი მეწარმეები ნატურალური პროდუქციის ფართო ასორტიმენტს წარმოადგენენ, მოეწყობა დეგუსტაციები, გასტროსკოლის სივრცეში კი ორბელიანის ბაზრის ტერიტორიაზე არსებული რესტორნების შეფების მასტერკლასებს გამართავენ, მათ შორის, წარმოდგენილი იქნება რესტორნები: ბარბარესთან, მალ-მალე, გურამ ბაღდოშვილის გუნდი, შოთი, ქართ ველი და სხვები. ასევე მოეწყობა მუსიკალური საღამოები და საბავშვო აქტივობები.

ნობათობაზე არაერთი შეთავაზებით ისარგებლებს, მათ შორის, ბაზრის ორივე სართულზე იმოქმედებს თიბისი ბანკის ქეშბექ აქცია.

ფოტო: ორბელიანის ბაზარი

თუ გასტრონომიული თავგადასავლები გხიბლავთ, საინტერესო პროდუქტების აღმოჩენა, ახალი ადამიანების გაცნობა და ქართველი მეწარმეების მხარდაჭერა გსურთ, 5-13 თებერვალს 10:00-დან 21:00-მდე ნობათობას უნდა დაესწროთ და თებერვლის რამდენიმე დღე სასიამოვნო გარემოში გაატაროთ.

თუ ქართული წარმოება გაქვთ და ნობათობაში მონაწილეობა გსურთ, აღნიშნული სარეგისტრაციო ფორმა უნდა შეავსოთ, რის შემდეგაც ღონისძიების ორგანიზატორები დაგიკავშირდებიან.

ღონისძიების ორგანიზატორებს სურთ, რომ ნობათობა ხშირად ჩატარდეს და ერთგვარ ტრადიციად იქცეს, რათა ქართული წარმოების შესახებ ბევრად მეტმა ადამიანმა გაიგოს.

ბაზარი ორბელიანზე რეგიონში უპრეცედენტო პროექტია, რომელიც აერთიანებს აგრარულ ბაზარს, გასტროსკოლას, კვების ჰოლსა და ტერასებს თბილისის ხედით. ეს არის ისტორიული ბაზრის განახლებული კონცეფცია, რომელიც ქართული წარმოების მხარდაჭერას ისახავს მიზნად.