გირჩი — მეტი თავისუფლების წევრის, ნიკა მოსიაშვილის თქმით, ბაკურიანში რამდენიმე ადამიანმა ერთმანეთს დაურეკეს, რომ ბიძინა ივანიშვილის სახლთან პერფორმანსის ჩატარებას აპირებდნენ, რის შემდეგაც მათ პოლიცია დაჰყვებოდათ.

"როგორც იცით, წუხელ მილიცია გავტროლეთ.

ბაკურიანში ვიყავით მეგობრები და ერთმანეთს დავურეკეთ — ვითომ ბიძინას სახლთან პერფორმანსის ჩატარებას ვაპირებდით. ზუსტად იმ დროს, რა დროც ვთქვით ტელეფონში რომ შევიკრიბებოდით, 5 ეკიპაჟი მოგროვდა ბიძინას სახლთან.

მთელი საღამო დავდიოდით მანქანით ბაკურიანში და ისინიც უკან დაგვსდევდნენ.
დღეს წამოვედით ბაკურიანიდან და ზუსტად ამ "შკოდამ" "გამოგვაცილა". ბორჯომამდე გვსდია და რომ დამშვიდნენ რომ უკან აღარ ვბრუნდებოდით, უკან გაბრუნდნენ", — წერს ის ფეისბუქგვერდზე.

როგორც ფეისბუქლაივში მოსიაშვილმა განაცხადა, ამით კიდევ ერთხელ დადასტურდა, რომ მოქალაქეებს უსმენენ.