პრემიერმინისტრის, ირაკლი ღარიბაშვილის ბრძანებით, სპეციალური საგამოძიებო სამსახურის უფროსისა და პერსონალურ მონაცემთა დაცვის სამსახურის უფროსის შესარჩევი კონკურსი გამოცხადდა.

პრესსამსახურის ცნობით, კანდიდატებს ღარიბაშვილის მიერ შექმნილი საკონკურსო კომისიები შეარჩევენ. მათივე ინფორმაციით, კონკურსში მონაწილეობის პირობები საჯარო სამართლის იურიდიული პირის — საჯარო სამსახურის ბიუროს ადმინისტრირებულ ვებგვერდზე — www.hr.gov.ge მას შემდეგ გამოქვეყნდება, რაც საკონკურსო კომისია დაკომპლექტება.

პარლამენტმა ქართული ოცნების ინიცირებულ კანონპროექტი სახელმწიფო ინსპექტორის სამსახურის გაუქმების შესახებ დაჩქარებულად განიხილა და ახალ წლამდე დაამტკიცა. კანონპროექტის მიხედვით, უქმდება სახელმწიფო ინსპექტორის თანამდებობა და სამსახური. მის მაგივრად იქმნება ორი — სპეციალური საგამოძიებო და პერსონალურ მონაცემთა დაცვის სამსახურები.

პრეზიდენტმა, სალომე ზურაბიშვილმა ინსპექტორის სამსახურის გაუქმების შესახებ კანონპროექტს ვეტო არ დაადო და მას ხელი 13 იანვარს მოაწერა.