TBC ბანკი ინტერნეტ და მობაილ-ბანკით შესრულებულ კომუნალურ და სხვა გადახდებზე საკომისიო გადასახადს აღარ აორმაგებს და ტარიფებს უცვლელს ტოვებს. გადაწყვეტილების შესახებ ცნობილი დღეს გახდა. გაორმაგებული საკომისიო გადასახადის გადახდა მომხმარებელს 18 აპრილიდან მოუწევდა.

"გასული რამდენიმე დღის განმავლობაში თიბისი ბანკმა მიიღო ბევრი ნეგატიური კომენტარი და შეფასება მისი ერთგული კლიენტების მხრიდან. კომენტარები ეხებოდა ინტერნეტ და მობაილ ბანკში გაძვირებულ საკომისიოს კომუნალურ გადახდებზე. ჩვენ გავიაზრეთ შექმნილი მდგომარეობა და პირველ რიგში, გვინდა ვუთხრათ მადლობა ყველას, ვინც ღიად დააფიქსირა თავისი მოსაზრება და დროულად დაგვაფიქრა მიღებულ გადაწყვეტილებაზე," - ვკითხულობთ ბანკის ვებგვერდზე.

TBC ბანკმა რამდენიმე დღის წინ გადაწყვეტილება მიიღო, რომლითაც ინტერნეტ და მობაილ-ბანკით შესრულებულ კომუნალურ და სხვა გადახდებზე საკომისიო გადასახადს 50 თეთრიდან ლარამდე ზრდიდა.