HBO-ს მიხედვით, Euphoria-ს მე-2 სეზონის ახალი ეპიზოდი 2,4 მილიონმა ადამიანმა ნახა, რაც პრემიერისთვის რეკორდული მაჩვენებელია. მე-2 სეზონის პრემიერა კვირა საღამოს შედგა და მაყურებელთა რაოდენობამ რეკორდულ მაჩვენებელს მალევე მიაღწია. აღსანიშნავია, რომ Euphoria-ს მეორე სეზონის პრემიერას 9-ჯერ მეტი ნახვების რაოდენობა ჰქონდა, ვიდრე შოუს პირველ სეზონის პრემიერას.

პრემიერამდე ზენდაიამ, რომელიც შოუში მთავარ როლს ასრულებს, ფანები სეზონის მძიმე შინაარსის შესახებ გააფრთხილა. "ეს სეზონი წინაზე უფრო ემოციური შეიძლება იყოს და ისეთ თემებს ეხება, რომლებიც მძიმე საყურებელია. გთხოვთ, შოუს მხოლოდ იმ შემთხვევაში უყუროთ, თუ თავს კომფორტულად იგრძნობთ. იზრუნეთ საკუთარ თავზე და იცოდეთ, რომ თქვენს მხარდაჭერას ნებისმიერ შემთხვევაში ვიგრძნობ", — წერს მსახიობი ინსტაგრამზე.

მეორე სეზონში მონაწილეობენ ნიკა კინგი, ერიკ დეინი, ანგუს კლაუდი, ჯეიკობ ელორდი,სინდი სუინი და სხვები. ახალი ეპიზოდების პრემიერა HBO Max-ზე ყოველ კვირას შედგება.

ასევე იხილეთ: