ქართული ოცნების თავმჯდომარე, ირაკლი კობახიძე აცხადებს, რომ თუ მიხეილ სააკაშვილის საქმეზე საგამოძიებო კომისია შეიქმნება, დადგინდება მხოლოდ ის, რომ არავითარ არასათანადო მოპყრობას ადგილი არ ჰქონია.

"სპონტანურად რომ გიპასუხოთ, შეიძლება მე პირადად არ ვყოფილიყავი ასეთი კომისიის შექმნის წინააღმდეგი, როდესაც საუბარია სააკაშვილის მიმართ არასათანადო მოპყრობაზე, უკვე ყველამ ვიცით, რომ ამას არავითარი საფუძველი არ აქვს.

რა თქმა უნდა, თუ ასეთი კომისია შეიქმნება, მხოლოდ და მხოლოდ ის დადგინდება, რომ არავითარი არასათანადო მოპყრობას ადგილი არ ჰქონია", — განაცხადა კობახიძემ.

3 იანვარს მიხეილ სააკაშვილის ადვოკატმა, გიორგი მშვენიერაძემ განაცხადა, რომ ექსპრეზიდენტს მის მიმართ შესაძლო არაადამიანური და ღირსებისშემლახავი მოპყრობის საქმეზე პარლამენტში საგამოძიებო კომისია შექმნა სურს. მისივე თქმით, სააკაშვილი ინსპექტორის სამსახური გაუქმებას მისი საქმის გამოძიებას უკავშირებს.