უკვე მოქმედმა პარლამენტის თავმჯდომარემ, შალვა პაპუაშვილმა არჩევამდე თქვა, რომ "თუ პრინციპულობა სიხისტეა", მაშინ ხისტია. როგორც ის აღნიშნავს, ყველაფერში არის გულწრფელი.

"თუ თქვენ პრინციპულობას ეძახით სიხისტეს, დიახ, ვარ ხისტი, ალბათ. თუ თქვენ იმ სიმართლის თქმას, პირდაპირ თქმას, რისიც მე მჯერა, სიხისტეს ეძახით, დიახ, შეიძლება, მე ვარ ხისტი. თუმცა მე ამ ყველაფერში ვარ გულწრფელი და ვფიქრობ, ეს არის მთავარი, რომ ადამიანი იყოს გულწრფელი თავის სიტყვებში და თავის საქმეში", — თქვა პაპუაშვილმა.

დღეს, 29 დეკემბერს 88 ხმით 1-ის წინააღმდეგ შალვა პაპუაშვილი პარლამენტის თავმჯდომარედ დაამტკიცეს.

პარლამენტის თავმჯდომარეობის კანდიდატად ქართულმა ოცნებამ შალვა პაპუაშვილი მას შემდეგ წარადგინა, რაც პარლამენტის მაშინ მოქმედმა თავმჯდომარემ კახა კუჭავამ თანამდებობა დატოვა.