ექსპრეზიდენტი გიორგი გახარია აცხადებს, რომ შიმშილობით პროტესტის გამოხატვა ქვეყანას არ მიიყვანს იმ შედეგამდე, რომელიც სჭირდბა. ასე გამოეხმაურა ის ნაციონალური მოძრაობის მიერ მასობრივი შიმშილობის გამოცხადებას ექსპრეზიდენტ მიხეილ სააკაშვილის გათავისუფლების მოთხოვნით.

"შიმშილობა, რა თქმა უნდა, არის პროტესტის ფორმა, მაგრამ, მე არ ვფიქრობ, რომ ეს არის ის, რომელიც მიგვიყვანს იმ შედეგამდე, რომელიც ქვეყანას სჭირდება. დღეს ქვეყანაში რეალური პრობლემა, ახალი წლის წინ აქვს თითოეულ ოჯახს შემოსავლების, სიღარიბის, ინფლაციის, სამუშო ადგილების და ა.შ. ეს ის პრობლემებია, რომლებზეც ყველამ ერთად უნდა ვიმუშაოთ. შეთანხმება, ეროვნული კონსენსუსი უნდა შედგეს ამაზე და არა კონკრეტული ადამიანების გათავისუფლებაზე ან არგათავისუფლებაზე", — განაცხადა გიორგი გახარიამ.

რაც შეეხება, ეროვნულ შერიგების იდეას, გიორგი გახარია მას "ამბიციურ ტვირთს" უწოდებს და აცხადებს, რომ ამ ინიციატივის განხორციელებაში პრეზიდენტ სალომე ზურაბიშვილს ყველა უნდა დაეხმაროს.

გუშინ, 21 დეკემბერს მიხეილ სააკაშვილის მხარდამჭერ აქციაზე ნაციონალური მოძრაობის თავმჯდომარემ, ნიკა მელია მასობრივი შიმშილობა გამოაცხადა. მელიას ინფორმაციით, სააკაშვილის გათავისუფლების მოთხოვნით 300-მდე ადამიანმა დაიწყო შიმშილობა. დღეს ნაყოფიამ განაცხადა, რომ მოშიმშილეთა სიაში 180 ადამიანია დარეგისტრირებული, თუმცა ვარაუდობს, რომ ეს რიცხვი გაიზრდება.