დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ომიკრონის გავრცელების პრევენციისთვის ბუსტერიზაცია ერთ-ერთ მთავარ დამცველობით მექანიზმად ითვლება. ამიტომ იანვრიდან იმუნიზაციის საბჭო განიხილავს, რომ სრულ აცრილად ჩაითვალოს არა ორჯერ აცრილი ადამიანი, არამედ ბუსტერიზირებულიც.

"დღევანდელი მონაცემებით, 54 000 ბუსტერია ქვეყანაში გაკეთებული. ბუსტერიზაცია ითვლება ერთ-ერთ მთავარ დამცველობით მექანიზმად ომიკრონის გავრცელების პრევენციისთვის. ამიტომ ჩვენი წინადადებაა, რომ იანვრიდან და ამას განიხილავს იმუნიზაციის საბჭო, რომ სრულ აცრილად ჩაითვალოს არა ორჯერ აცრილი ადამიანი, არამედ ბუსტერიზირებულიც", — განაცხადა გამყრელიძემ.

22 დეკემბრის მონაცემებით, სულ აცრილია 2 414 722 ადამიანი, დღიურად — 13 878.