საგარეო ურთიერთობათა კომიტეტის თავმჯდომარის, ნიკოლოზ სამხარაძის თქმით, დღეს დაგეგმილ აქციაზე ნაძვის ხის ხმას უფრო გაიგებენ, ვიდრე ხალხისას. ასე უპასუხა სამხარაძემ მთავარი არხის კითხვას იმაზე, გაიგებს თუ არა დღეს ხელისუფლება ხალხის ხმას.

"ვერანაირად ვერ შევაფასებ, პოლიტიკური მართლმსაჯულება საქართველოში არ არის. ეს არის ჩემი პასუხი... დღეს ნაძვის ხის ხმას უფრო გაიგებენ, ვიდრე ხალხისას", — თქვა კომიტეტის თავმჯდომარემ.

ექსპრეზიდენტ მიხეილ სააკაშვილის გათავისუფლების მოთხოვნით დღეს, 21 დეკემბერს რუსთაველის გამზირზე აქცია გაიმართება. ამის შესახებ ინფორმაცია Facebook-ში ნაციონალური მოძრაობის თავმჯდომარე ნიკა მელიამ გაავრცელა. აქცია 18:00 საათზე დაიწყება.