სამხედრო უსაფრთხოებისა და შეიარაღების კონტროლის შესახებ მოლაპარაკებებზე რუსეთის დელეგაციის ხელმძღვანელი ვენაში კონსტანტინ გავრილოვი აცხადებს, რომ უკრაინასა და საქართველოში NATO-ს ინფრასტრუქტურის განთავსებას მოსკოვი არავითარ შემთხვევაში არ დაუშვებს.

"ვფიქრობ, კი. ან პასუხი სულ სხვაგვარი იქნება", — თქვა მან პირდაპირ ეთერში დაადასტურა, რომ რუსეთი არც ერთ შემთხვევაში დაუშვებს უკრაინასა და საქართველოში NATO-ს ინფრასტრუქტურის განთავსებაზე "ყბედობას".

რუსეთის საგარეო საქმეთა სამინისტრო მოითხოვს, გაუქმდეს 2008 წლის ბუქარესტის სამიტის გადაწყვეტილება, რომლის მიხედვითაც საქართველო და უკრაინა NATO-ში უნდა გაწევრიანდნენ. სერგეი ლავროვის უწყებამ "რუსეთის უსაფრთხოების დაცვის" მოტივით მოთხოვნებით სავსე განცხადება გამოაქვეყნა, რომელშიც დასავლეთი, ყველაზე მეტად კი აშშ და NATO-ს წევრი ქვეყნების არის გაკრიტიკებული.

რუსეთის საგარეო უწყების განცხადებას საქართველოს საგარეო საქმეთა სამინისტრო მიუღებლად მიიჩნევს. საგარეო უწყების განცხადებით, NATO-ში გაწევრიანება საქართველოს სუვერენულ გადაწყვეტილებას წარმოადგენს, რომელიც დაფუძნებულია საქართველოს მოსახლეობის უმრავლესობის ურყევ ნებაზე. აღნიშნული მიზანი ასახულია საქართველოს კონსტიტუციაშიც.

NATO-ს გენერალური მდივნის იენს სტოლტენბერგის განცხადებით, ალიანსის პოზიცია უცვლელი რჩება და ყველა ერს აქვს უფლება საკუთარი გზა აირჩიოს.