ყოველწლიური ტრადიციული საახალწლო სამზადისი სახლებში, ვიდეორგოლში ნაჩვენები ოჯახის ჟრიამული და კართან მომდგარი ახალი წლის მოლოდინი ერთი რეალობაა, რომელიც ძალიან განსხვავდება მეორე გმირის — ხანდაზმული მამაკაცის — ცხოვრებისგან, რომელსაც ოჯახი არ ჰყავს და ახალ წელს მარტო ხვდება.
ახალი წლის დღესასწაული კი ის მომენტია, როდესაც ყველაზე მეტად ოჯახური სითბო გჭირდება. ამიტომ, კამპანიის ფარგლებში, არქი მოგვიწოდებს, რომ "ვაჩუქოთ ის, რაც ყველასთვის ძვირფასია".

კამპანიის ვიდეორგოლზე არქის მარკეტინგის გუნდთან ერთად სტუდია მეტროგრაფმა იმუშავა.

"არქელების დიდი ოჯახი 20 ათას ადამიანს აღემატება, ეს რიცხვი კი ყოველდღიურად იზრდება. ჩვენთვის საამაყოა ის ფაქტი, რომ არქის მაცხოვრებლები და თანამშრომლები ერთ დიდ ოჯახს აერთიანებენ. არქი, როგორც მაღალი სოციალური პასუხისმგებლობის მქონე კომპანია, ხშირად ახორციელებს სხვადასხვა აქტივობასა და ღონისძიებას. მიზანი არქელებს შორის კავშირის გაძლიერება და ერთობლივად ბევრი კეთილი საქმის კეთებაა, ფაქტობრივად ყველა დღესასწაულს ერთად აღვნიშნავთ, რაც კიდევ უფრო გვიმძაფრებს ერთიანობის შეგრძნებას. ის მჭიდრო ურთიერთობები, რაც 15 წელია ყალიბდება არქის მაცხოვრებლებსა და გუნდს შორის, გვაძლევს იმის განცხადების გაკეთების შესაძლებლობას, რომ არქი ერთი დიდი ოჯახია, რომელიც ზრუნავს ერთმანეთზე. სწორედ ეს მთლიანობა გახლავთ კამპანიის ინსპირაციის წყარო", — ელენე ბარათაშვილი, არქის მარკეტინგის ხელმძღვანელი.

"თანამედროვე აქტიური ცხოვრების წესიდან გამომდინარე, ყოველდღიურობაში ადამიანთა უმრავლესობისთვის, შესაძლოა, შეუმჩნეველი გახდეს, რომ ის, რაც ზოგისთვის ჩვეულებრივი და ხელშესახებია, სხვისთვის სანატრელი იყოს. ჩვენი საახალწლო კამპანია კი, სწორედ იმ სიკეთისა და ზრუნვის გაცემისკენ მოგვიწოდებს, რაც ყველას არ აქვს, მაგრამ ყველასთვის ძვირფასია", — ლევან თითბერიძე, არქის მარკეტინგის ხელმძღვანელის მოადგილე.

არქის საახალწლო კამპანიამ დამსახურებულად უხვი, თბილი და ემოციებით გაჯერებული უკუკავშირი მიიღო ფართო აუდიტორიისგან, რაც კომპანიისთვის ინსპირაციისა და მოტივაციის ერთ-ერთ უმნიშვნელოვანეს წყაროს წარმოადგენს.