ტუსკი კოლეგებს მოუწოდებს, ღარიბაშვილს სააკაშვილის გათავისუფლების საკითხზე ესაუბრონ

ევროპის სახალხო პარტიის (EPP) პრეზიდენტის, დონალდ ტუსკის განცხადებით, ევროპელ კოლეგებს მოუწოდებს, რომ პრემიერმინისტრ ირაკლი ღარიბაშვილს ექსპრეზიდენტის, მიხეილ სააკაშვილის გათავისუფლებაზე ესაუბრონ. ამის შესახებ ის საკუთარ Twitter-ზე წერს.

"დღეს, როცა აღმოსავლეთ პარტნიორობის სამიტი იმართება, მე მოვუწოდებ ჩემს ევროპელ კოლეგებს, რომ საქართველოს პრემიერმინისტრთან მიხეილ სააკაშვილის გათავისუფლება განიხილონ, მესამე პრეზიდენტის, რომელმაც ევროკავშირ-საქართველოს ასოცირების შეთანხმებაზე მოლაპარაკებები დაიწყო", — წერს ის.

Today, when the EaP Summit takes place, I urge my European colleagues to discuss with the Georgian Prime Minister the release of @SaakashviliM, the 3rd Georgian President who launched talks on EU-Georgia Association Agreement.
— Donald Tusk (@donaldtuskEPP) December 15, 2021