ცოტა ხნის წინ ყველასათვის საყვარელი კიანუ რივზი გადაცემა The Late Show-ის სტუმარი იყო, სადაც წამყვან სტივენ კოლბერტთან ერთად სხვადასხვა თემაზე საუბრის გარდა, თავის კომიქსსა და ცნობილ "სევდიანი კიანუს" მიმზეც ილაპარაკა.

ფოტო: Late Night Show

კიანუ რივზი მსახიობობის გარდა, კომიქსების შექმნითაც ყოფილა გატაცებული. კომიქსში, სახელად BRZRKR წამყვანმა ერთი სცენა იპოვა, რომელიც ძალიან ჰგავს "სევდიანი კიანუს" მიმს. ამაზე კიანუმ უპასუხა, რომ ცნობილ მიმში სევდიანი სულაც არაა — მას უბრალოდ შიოდა.

"უბრალოდ სენდვიჩს ვჭამ...რაღაცებზე ვფიქრობდი, მშიოდა", — განაცხადა კიანუმ.

მსახიობმა ისიც თქვა, რომ, მისი აზრით, კომიქსის ილუსტრატორმა რონ გარნიმ აღნიშნული სცენა სწორედ მიმის შთაგონებით შექმნა.

როგორც გადაცემაში აღნიშნა, წარმოდგენა არ აქვს, გულშემატკივრები მის შესახებ ამდენ მიმს რატომ ქმნიან, თუმცა თუ მისი სიმღერითა და ბედნიერი გამომეტყველებით ვიმსჯელებთ, ეს ამბავი არც აწუხებს.

ნახეთ ნაწყვეტი ინტერვიუდან: