იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის შეფასებით მიმდინარე და მომდევნო თვეები საქართველოში იქნება ყველაზე მძიმე ბოლო ორ წლის განმავლობაში. ექიმი ამის რამდენიმე მიზეზს ასახელებს, მათ შორის, რესპირაციული ვირუსული ინფექციებისა და გრიპის შემთხვევების მატებას, ასევე, კორონავირუსის ახალი შტამის, ე.წ. ომიკრონის დაფიქსირების ალბათობას.

"ჩვენ გვაქვს წინ ზამთრის პერიოდი და რესპირაციული ვირუსული ინფექციების მატება, გვაქვს გრიპის შემთხვევების მატების მოლოდინი და გვაქვს ასევე მოლოდინი, რომ ქვეყანაში, ალბათ, დაფიქსირება ახალი მუტაცია, რომელიც, თავისთავად, კიდევ უფრო გაართულებს მდგომარეობას. ამიტომ, ხშირად ვამბობ და ახლაც ვაფიქსირებ, რომ დეკემბერ-იანვარი იქნება, ალბათ, მთელი ორწლიანი პანდემიის მიმდინარეობისას ქვეყანაში ყველაზე მძიმე და ყველაზე სერიოზული გამოცდა, ვინაიდან ასეთი რეალური საფრთხეები წინა, ანალოგიურ პერიოდში ნამდვილად არ ყოფილა", — განაცხადა ჩხაიძემ.

გარდა ამისა, ივანე ჩხაიძე ამბობს, რომ მიუხედავად ვაქცინაციის ყოველდღიური მაჩვენებლის ზრდისა, ეროვნული გეგმით განსაზღვრულ მაჩვენებელს — მოზრდილი მოსახლეობის 60%-ის აცრას წლის ბოლომდე ვერ მივაღწევთ. ექიმი ვარაუდობს, რომ აცრების ამ ტემპის შენარჩუნების შემთხვევაში ამ მაჩვენებელს მხოლოდ მომავალი წლის მაისში მივაღწევთ.

გაიგე მეტი: