დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მსოფლიო ორგანიზაციის განცხადებით, კორონავირუსის გარდაცვლილთა ყოველკვირეული რიცხვი წინა კვირასთან შედარებით 10%-ით არის გაზრდილი. კერძოდ, 29 ნოემბრიდან 5 დეკემბრის ჩათვლით, მსოლფიოში COVID-19-ით გარდაცვალების 52 ათასზე მეტი შემთხვევა დაფიქსირდა.

რაც შეეხება ინფიცირებულთა რაოდენობას, მათი თქმით, დაახლოებით, შენარჩუნებულია გასული კვირის მონაცემები — ერთ კვირაში მსოფლიოს მასშტაბით კორონავირუსით 4 მილიონზე მეტი ადამიანი დაინფიცირდა. ინფიცირების ყველაზე მეტი შემთხვევა აშშ-ში, შემდეგ გერმანიაში, დიდი ბრიტანეთში, საფრანგეთსა და რუსეთში დაფიქსირდა.

ამასთან, სამხრეთ აფრიკაში, სადაც 25 ნოემბერს კორონავირუსის ახალი ვარიანტის, ომიკრონის პირველი შემთხვევა გამოვლინდა, ინფიცირების რიცხვი იზრდება. კერძოდ, 29 ნოემბრისა და 5 დეკემბრის შუალედში 62 021 ახალი შემთხვევაა დაფიქსირებული, რაც წინა კვირასთან შედარებით 111%-ით მეტია.

როგორც WHO წერს, 7 დეკემბრის მონაცემებით, ომიკრონის შემთხვევები უკვე 57 ქვეყანაშია გამოვლენილი. თუმცა მათი თქმით, იმის გათვალისწინებით, რომ ბევრ ქვეყანაში დელტა ვარიანტი ჭარბობს, ომიკრონის გავლენებზე საუბარი ნაადრევია.

WHO-ს განცხადებით, საერთო ჯამში, პანდემიის გავრცელებიდან 5 დეკემბრამდე მსოფლიოში ინფიცირების 265 მილიონზე მეტი შემთხვევაა გამოვლენილი, მათ შორის, ვირუსით გარდაცვლილია 5,2 მილიონზე მეტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: