ჩრდილოეთ კაროლინაში მცხოვრები სკოტ ტომასი ნამდვილად იღბლიანი ადამიანია: სკოტმა შეცდომით ლატარიის ორი იდენტური ბილეთი იყიდა და ორივეთი ჯეკპოტი მოიგო. თითოეული მოგებული ბილეთი ყოველწლიურად სიცოცხლის ბოლომდე $25 ათასის ან ერთჯერადად $390 ათასის მიღებას გულისხმობს.

"საწოლში ვიწექი და კალათბურთს ვუყურებდი. ვერ გავიხსენე, მქონდა თუ არა ბილეთი შევსებული. ავდექი და მეორეჯერაც შევავსე...როდესაც მოგების შესახებ გავიგე, იატაკზე დავწექი, რადგან მომხდარს ვერ ვიჯერებდი. ეს ნამდვილად ღვთის წყალობაა", — ამბობს 49 წლის სკოტი.

სკოტმა გადაწყვიტა, თანხა ერთიანად გამოეტანა და ორივე ბილეთისთვის $780 000 მიიღო. მისი თქმით, მოგებული თანხით გადასახადების დაფარვას, ფულის ბიზნესში ჩადებას, ოჯახის წევრებისთვის დახმარებასა და სახლის ყიდვას აპირებს.