ფინანსთა მინისტრ ლაშა ხუციშვილის თქმით, მისთვის გაურკვეველია, რატომ მოყვა ისტორიის წიგნში ჩანაწერებს "აჟიოტაჟი", როცა იქ მხოლოდ ფაქტობრივ გარემოებებზეა საუბარი და არ არის მოყვანილი შეფასებები. მთავრობის სხდომის დასრულების შემდეგ, ჟურნალისტმა ხუციშვილს ჰკითხა, რას ფიქრობდა მე-9 კლასის ისტორიის სახელმძღვანელოზე, სადაც ქართული ოცნების დამფუძნებლის, ბიძინა ივანიშვილის "ქება-დიდებაა" და 2008 წლის ომზე წერია. კერძოდ, მან იკითხა მიაჩნია თუ არა მინისტრს, რუსულ ნარატივად ის, რომ რუსეთის შეიარაღებული ძალები საქართველოს ტერიტორიაზე 8-10 აგვისტოს შემოვიდნენ. პასუხად ხუციშვილმა განახადა:

"წიგნთან დაკავშირებით რა ინფორმაციაც მივიღე და რაც მე ვნახე, იქ მხოლოდ ფაქტობრივი გარემოებებია და არ არის მოყვანილი გარკვეულწილად შეფასებები. თქვენ ახსენეთ ქება-დიდება და მე იქ ვნახე უბრალოდ ბიოგრაფია ადამიანების, რომლებიც იყვნენ საქართველოს პირველი პირები წლების განმავლობაში და შესაბამისად, გაურკვეველია რაზე ხდება ამ აჟოტაჟის ატეხვა, როდესაც მხოლოდ ფაქტობრივ გარემოებებზეა საუბარი", — განაცხადა ლაშა ხუციშვილმა.

აღსანიშნია, რომ ჟურნალისტის დამაზუსტებელ კითხვებს მან არ უპასუხა.

გაიგე მეტი: