მადლიერების დღისთვის აშშ-ში განსაკუთრებულად ემზადებიან. უამრავი ადამიანისთვის ამ დღესასწაულის განუყოფელი ნაწილი ინდაურის დაკვლაა. სწორედ ამიტომ ცნობილმა მომღერალმა ბილი აილიშმა, რომელიც ვეგანი და ცხოველთა უფლებების დამცველიცაა, დღესასწაულის წინა ღამეს გულშემატკივრებს ინსტაგრამზე სთხოვა, ინდაურის დაკვლა გადაიფიქრონ.

მომღერალმა თხოვნას ინდაურთან ერთად გადაღებული ფოტოც დაურთო:

"ინდაურები ერთ-ერთი ყველაზე სათუთი არსებები არიან. მადლიერების დღისთვის კი ყოველ წელს 46 მილიონ ინდაურს კლავენ. ვიცი, რომ ტრადიციების შეცვლა რთულია, მაგრამ უბრალოდ გახსოვდეთ", — დაწერა ბილიმ ინსტაგრამის სთორიში.

ფოტო: billie

აღსანიშნავია, რომ ცოტა ხნის წინ ბილი აილიშმა სხვა ვარსკვლავებთან ერთად პრეზიდენტს პეტიციით მიმართა, რომ წელს შეწყალებული ინდაურისთვის ინდაურების თავშესაფარში ცხოვრების უფლება მიეცა.

ეს ერთადერთი შემთხვევა არაა, როცა ბილი აილიშმა საზოგადოებას ცხოველთა უფლებების დაცვისკენ მოუწოდა. სექტემბერში მეთ გალას ღონისძიებაზე ბილიმ ოსკარ დე ლა რენტას საოცარი კაბა მხოლოდ იმ პირობით მოირგო, თუ მოდის სახლი ნატურალური ბეწვის გამოყენებაზე უარს იტყოდა. ბრენდი ბილის პირობას დათანხმდა.

ამავე თემაზე: