შინაგან საქმეთა მინისტრის ყოფილ მოადგილეს, გელა ხვედელიძეს რამდენიმე წუთის წინ, თბილისში თავს დაესხნენ.

ამის შესახებ ინფორმაციას შსს ადასტურებს და აცხადებს, რომ გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს. უწყების ცნობით, ამ დროისთვის საგამოძიებო მოქმედებები მიმდინარეობს და დამატებით ინფორმაციას ვერ გაავრცელებენ.

გელა ხვედლეიძე შინაგან საქმეთა სამინისტროში ირაკლი ღარიბაშვილის მინისტრობისას მუშაობდა. 2013 წლის მაისში გელა ხვედელიძე დააკავეს ერთ-ერთი მოქალაქის პირადი ცხოვრების ამსახველი კადრების გავრცელების ბრალდებით. ხვედელიძე თავდაპირველად ბრალს აღიარებდ,ა მოგვიანებით კი მან ჩვენება შეცვალა. ბრალდებულმა მაღალჩინოსანმა საპატიმრო მაშინ გირაოს საფუძველზე დატოვა, მოგვიანებით, ის სასამართლომ დამნაშავედ სცნო წარდგენილ ბრალდებაში და ერთწლიანი პირობითი სასჯელი მიუსაჯა.