აშშ-ის ელჩი კელი დეგნგანი აცხადებს, რომ თითეული მოშიმშილის მდგომარეობა აღელვებთ და სურთ დარწმუნდნენ, რომ ადამიანები, რომლებიც ჯანმრთელობას და სიცოცხლეს სწირავენ, შესაბამის სამედიცინო დახმარებას მიიღებენ. მისი თქმით, შესაძლოა არ ჩანს, მაგრამ აშშ და დიპლომატიური კორპუსი მუშაობს იმაზე, რომ ყველაზე იზრუნონ.

"ჩვენ ასევე ძალიან გვაღელვებს ქალბატონო ელენეს ჯანმრთელობის მდგომარეობა. ვიცით, რომ უკვე ორი კვირაა ის შიმშილობს და მას მიაჩნია, რომ ამ თავისი ქმედებით იგი ხელს შეუწყობს ქვეყნის გრძელვადიან სტაბილურობას. იგი იმედოვნებს, რომ შეძლებს ხალხის დაახლოებას და იმ ძალიან ღრმა პოლარიზაციის გადალახვას, რაც ასე უშლის ხელს ქვეყანას.

გვინდა, დავრწმუნდეთ, რომ ის შესაბამის სამედიცინო დახმარებას იღებს და საკუთარ სიცოცხლეს რისკის ქვეშ არ აყენებს. იგივე შემიძლია, გავიმეორე სხვა მოშიმშილეებთან დაკავშირებით, რომლების საკუთარ ჯანმრთელობასა და სიცოცხლეს სწირავენ საკუთარი შეხედულებების გამო. შემიძლია, გითხრათ, რომ დიპლომატიური კორპუსი, მათ შორის შეერთებული შტატები, შესაძლოა, ვერ ხედავთ, მაგრამ მუშაობს ამ საკითხის მოგვარებასა და იმაზე, რომ თითოეული ადამიანის ჯანმრთელობისა და სიცოცხლეზე იზრუნონ", — განაცხადა მან.

გარდა ამისა, დეგნანი აცხადებს, რომ სახალხო დამცველის შექმნილ ექსპერტთა ჯგუფს ენდობიან. ის აღნიშნავს, რომ მთავრობამ უნდა შეასრულოს რეკომენდაციები და გაუგებარია, რატომ არ აკეთებს ამას.

ექსპრეზიდენტი მიხეილ სააკაშვილი 50 დღეა შიმშილობს, დროას ლიდერი ელენე ხოშტარია კი მე-17 დღეა. სოლიდარობის ნიშნად შიმშილობა დაიწყეს ენმ-ს წევრებმა ზუგდიდის, ფოთისა და რუსთავის საკრებულოებში. ასევე შიმშილობს, პარლამენტის 9 დეპუტატი, ენმ-ს წევრი გია ბარამიძე და ოპერის მომღერალი პაატა ბურჭულაძე.