ელენემ უარი თქვა მედიკამენტებზე, ეს ნიშნავს, რომ ის თქვენი მსხვერპლია — ხოშტარიას დედა ხელისუფლებას
![](http://monica.on.ge/2021/11/19/photo_2021-11-19_11-55-17.jpg)
ფოტო: მთავარი არხი
დროას ლიდერის, ელენე ხოშტარიას დედა, ირინა გუნცაძე ხელისუფლებას მიმართავს, რომ მისი შვილი მათი მსხვერპლია. გუნცაძის თქმით, ექსპრეზიდენტი მიხეილ სააკაშვილი უკვე "გადადებულია" და ელენე ხოშტარია არის "სალი კლდე", რომელიც თავის გადაწყვეტილებას არ შეცვლის.
"ძალიან ვიკავებ თავს. ვიკავებ თავს უხეში, მძიმე გამონათქვამებისგან იმიტომ, რომ კიდევ მგონია, რომ თქვენ, ვგულისხმობ ხელისუფლებას, კიდევ შეგრჩათ ჭკუის, ტვინის, სინდისზე ვეღარ ვიტყვი, ნასახი. თქვენ არ გაქვთ უფლება საქართველოს ისტორია ჩაყაროთ წყალში. თქვენ არ გაქვთ უფლება მოკლათ ადამიანები. მიხეილ სააკაშვილი უკვე გადადებულია, ეგ ყველამ ვიცით. ჩემი შვილი, რომელიც არის, ყველამ ვიცით, სალი კლდე, თავის გადაწყვეტილებას არ შეცვლის. მან უარი თქვა მედიკამენტებზე. ეს იმას ნიშნავს, რომ ელენე ხოშტარია არის თქვენი მსხვერპლი", — აცხადებს ის.
ამასთანავე, ირინა გუნცაძემ მიმართა საერთაშორისო ორგანიზაციებს და საელჩოებს, რომ მიიღონ სასწრაფო ზომები. ხოლო ხელისუფლება გააფრთხილა, რომ ყველაფერი ცუდად დამთავრდება, თუ სააკაშვილს სამოქალაქო კლინიკაში არ გადაიყვანენ.
"დღეს ჩემი შვილის, ელენე ხოშტარიას სიცოცხლე საფრთხეშია, 4 შვილის დედის, რომელიც თავს წირავს საქართველოს გულისთვის, საქართველოს ყველა მოქალაქის გულისთვის. თუ ამას არ გააკეთებთ აიღეთ მაუზერი, დაგვაყენეთ კედელთან და დაგვხვრიტეთ, როგორც 1937 წელს. არ ვიცი რატომ, მაქვს კიდევ თქვენი, ოდნავ ერთი პატარა ნაპერწკლით მჯერა, რომ მოხვალთ გონს. ცუდად დამთავრდება ეს ყველაფერი, გაფრთხილებთ, თქვენ არ გაქვთ უფლება მოაწყოთ 1937 წელი 21-ე საუკუნეში. მე კიდევ ყველაფერი არ ვთქვი, თავს ვიკავებ-მეთქი გითხარით", — განაცხადა ხოშტარიას დედამ.
ელენე ხოშტარიამ განაცხადა, რომ აჩერებს მედიკამენტოზურ მკურნალობას და არ გაიკეთებს გადასხმებს მანამ, სანამ მიხეილ სააკაშვილის სამოქალაქო კლინიკაში გადაიყვანენ. მისი თქმით, დრო არათუ არაა, შეიძლება, დაგვიანებულია კიდეც. ის მიხეილ სააკაშვილის მაღალპროფილურ სამედიცინო დაწესებულებაში გადაყვანის მოთხოვნით მე-17 დღეა შიმშილობს.
მიხეილ სააკაშვილი 50-ე დღეა შიმშილობს. მისი ადვოკატები, ოპოზიცია და არასამთავრობო ორგანიზაციის წარმომადგენლები მის სამოქალაქო კლინიკაში გადაყვანას ითხოვენ, თუმცა ხელისუფლება უარზეა. 8 ნოემბერს ექსპრეზიდენტი მისი და მისი ადვოკატების სურვილის საწინააღმდეგოდ გლდანის ციხის სამკურნალო დაწესებულებაში გადაიყვანეს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები