საქართველოს სახალხო დამცველი მიიჩნევს, რომ საქართველოში ხანდაზმულ პირთა უფლებების დაცვის კუთხით არსებული მდგომარეობა ვერ პასუხობს თანამედროვე გამოწვევებსა და საერთაშორისო მიდგომებს. ამის შესახებ სახალხო დამცველმა 2016 წლის ანგარიშში მიუთითა, რომელიც დღეს გამოქვეყნდა.

"კვლავ პრობლემას წარმოადგენს სათანადო საცხოვრებლით უზრუნველყოფა, სოციალური და ეკონომიკური უფლებების რეალიზების პროცესში მხარდაჭერა. სახელმწიფოს წინაშე არსებულ გამოწვევად კვლავ რჩება ხანდაზმულთა რეზიდენტულ დაწესებულებებში არსებული მდგომარეობა," - ვკითხულობთ ანგარიშში.

სახალხო დამცველი მიიჩნევს, რომ ხანდაზმულ პირთა უფლებების დაცვის კუთხით ხელშესახები ცვლილელები არ გატარებულა ადგილობრივი თვითმმართველობების მიერ. ანგარიშის მიხედვით, სათანადოდ არ ხდება მუნიციპალიტეტების ტერიტორიაზე მცხოვრებ ხანდაზმულ პირთა საჭიროებების შესწავლა და მათი ინტერესების გათვალისწინებით მიზნობრივი პროგრამების დაგეგმვა.