თუ თქვენი ოცნება ვარსკვლავურ ფუფუნებაში ცხოვრებაა, ამ მიზნისკენ მიმავალ საკმაოდ რთულ გზაზე არ შეცდეთ და არ იფიქროთ, რომ კონკურენტებს მხოლოდ ადამიანებში უნდა ხედავდეთ.

ბონ-ბონი პუტკუნა ტაილანდელი კატაა, რომელიც განებივრებულ, უდარდელ ცხოვრებასა და მუდმივ ყურადღების ცენტრში ყოფნასაა მიჩვეული.

კატა არარეალურად ფუმფულა და საყვარელია, სწორედ ამიტომ ქუჩაში თითქმის ყველა გამვლელის ყურადღებას იქცევს. იქ სადაც ბონ-ბონია ხშირად შენიშნავთ ფოტოს გადაღების მსურველთა საკმაოდ გრძელ რიგსაც.

ფოტო: bonebone29

ბონს ძალიან უყვარს თამაში და გართობა. გაბედული და თამამი ქცევითაც გამოირჩევა. მაგალითად, სიამოვნებით დაძვრება ხეებსა და სხვადასხვა სიმაღლის წინაღობებზე. ჰიგიენის და სისუფთავის დაცვა კი მისი ცხოვრების განუყოფელი ნაწილია.

ფოტო: bonebone29

თუ ბონ-ბონი ერთი ნახვით შეგიყვარდათ, რა პრობლემაა? ამ განებივრებული კატის ინსტაგრამის პროფილს უკვე ათი ათასობით გამომწერი ჰყავს და მის გულში ადგილი თქვენთვისაც თავისუფლად მოიძებნება.