ყვარლის ევროკლუბი 2 წლისაა — საიუბილეო ღონისძიებას ევროკავშირის ელჩი დაესწრო
დღეს, 2021 წლის 11 ნოემბერს ევროკავშირის ელჩი კარლ ჰარცელი ყვარლის ევროკლუბს ეწვია და მისი დაარსებიდან 2 წლის საიუბილეო ღონისძიება გახსნა. ღონისძიებაში ასევე მონაწილეობდნენ საქართველოში აკრედიტებული დიპლომატიური კორპუსის მაღალი რანგის წარმომადგენლები: ნიდერლანდების, ავსტრიის, საფრანგეთის, თურქეთის და ნორვეგიის ელჩები და ესპანეთის საელჩოს ატაშე საქართველოში.
ყვარლის ევროკლუბი 2019 წლის ნოემბერში, ევროკავშირის საკომუნიკაციო პროგრამის, ევროკავშირის აღმოსავლეთ სამეზობლოს (EU NEIGHBOURS east) მხარდაჭერით დაარსდა. მისი დამაარსებელი ახალგაზრდა ევროპელი ელჩი ნიკა გურინია, რომელმაც თავის მშობლიურ ქალაქში მოქალაქეთა გაძლიერების სურვილით, ახალგაზრდული სადისკუსიო სივრცე გახსნა დევიზით — ილიას გზით ევროპისკენ. დღეს ევროკლუბი ასევე აერთიანებს ფრანგულ კუთხეს და ამერიკულ წიგნების თაროს, რომელიც ამერიკული კუთხეების ქსელის ნაწილია.
"ყვარლის ევროკლუბი 2019 წლის ნოემბერში, EU NEIGHBOURS east-ის მხარდაჭერით გავხსენით. მაშინ უნივერსიტეტს ვამთავრებდი და ყვარელში ჩამოსვლისას სულ მაწუხებდა ის ამბავი, რომ აქ არაფერი არ ხდებოდა: ჩემს თავზე მაქვს გამოვლილი ეს პრობლემა აქ სწავლის პერიოდში და მაშინაც მინდოდა, რაიმე გაგვეკეთებინა ადგილობრივ დონეზე. აქ არის ჩემი ყოფილი სკოლა, რომელმაც თავისი სივრცე დაგვითმო უფასოდ. თავიდან მართლა ცარიელი ოთახით დავიწყეთ. ეს იყო ქვემოდან წამოსული, სრულიად მოხალისეობრივი ინიციატივა,— პარტნიორებისა და თანამოაზრეების მხარდაჭერით. ნელ-ნელა შევიძინეთ სკამები, მაგიდები, ვიღაცამ პროექტორი გვაჩუქა, ჩაერთნენ საელჩოებიც, ელჩი დეგნანის მხარდაჭერით გასულ წელს ამერიკული თარო გავხსენით, დაემატა ინგლისურის კურსები და ასე შემდეგ", — ამბობს ნიკა გურინი.
ნიკა გურინის თქმით, ამჟამად ინგლისურის შემსწავლელი ცენტრის ორიენტირი ის ადამიანები არიან, რომლებსაც ინგლისურის ცოდნა ახალ კარიერულ საფეხურზე ასასვლელად ან სამსახურის საშოვნელად სჭირდებათ: "ადგილობრივ ბიზნესთან კონსულტაციებით გავიგეთ, რა რგოლებში ჰქონდათ კადრების ნაკლებობა. შევქმენით კურსები 30 ადამიანისათვის და წარმატებული კურსდამთავრებულები ადგილობრივ ბიზნესებში დასაქმდებიან".
ევროკლუბის ერთ-ერთი ნაწილია ღია კინოთეატრი, სადაც მსურველებს ყოველ შაბათს შეუძლიათ ფილმების ნახვა. შარშან ეკრანი ადამიანის უფლებების შესახებ ფილმებს ეთმობოდა, წელს კი ფოკუსი აქტივიზმზეა. სეანსის შემდეგ იმართება დისკუსიები, სადაც მაყურებლები სპიკერებთან ერთად მსჯელობენ საზოგადოებრივ საკითხებზე.
ყვარლის ევროკლუბის მთავარი მიზანი დასავლური ღირებულებების გავრცელება და ადგილობრივი მოსახლეობის გაძლიერებაა. დღეისათვის ევროკლუბს 1200-ზე მეტი პირდაპირი ბენეფიციარი ჰყავს, რომელთაც უკვე ისარგებლეს ინგლისური ენის უფასო კურსებით, პროფესიული გადამზადების კურსებით, ღია ბიბლიოთეკებით და მონაწილეობა მიიღეს აქტივიზმის კინოკლუბის დისკუსიებში. გრძელვადიან პერსპექტივაში კი, ევროკავშირის მხარდაჭერით, ევროკლუბის გამოცდილების გაზიარება და მსგავსი სივრცეების გახსნა საქართველოს სხვადასხვა რეგიონშიც იგეგმება.
ევროკავშირის მიერ დაფინანსებული ახალგაზრდა ევროპელი ელჩების ინიციატივა წარმოადგენს არაპოლიტიკურ, ნებაყოფლობით, ქმედით საკომუნიკაციო ქსელს, რომელიც ხელს უწყობს კავშირების და მეგობრული ურთიერთობების დამყარებას აზერბაიჯანის, ბელარუსის, მოლდოვის რესპუბლიკის, საქართველოს, სომხეთის, უკრაინის წარმომადგენელ ახალგაზრდებსა და მათ თანატოლებს შორის ევროკავშირის წევრ სახელმწიფოებსა და გაერთიანებულ სამეფოში. ამ ქსელის მიზანია მოსახლეობის უკეთ ინფორმირება ევროკავშირის თანამშრომლობის შესახებ მის აღმოსავლეთ პარტნიორ ქვეყნებთან, ამ თანამშრომლობის რეალური შედეგების დემონსტრირება, პოლიტიკური დიალოგის ხელშეწყობა სხვადასხვა საკითხზე, სამოქალაქო აქტივიზმის გაძლიერების მხარდაჭერა და ერთობლივი საქმიანობა უკეთესი მომავლისათვის.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები