მას შემდეგ, რაც პენიტენციურმა სამსახურმა ექსპრეზიდენტ მიხეილ სააკაშვილის ციხეში იძულებით შეყვანის კადრები გაავრცელა, ყოფილმა პრემიერმინისტრმა გიორგი გახარიამ ფეისბუქგვერდზე პოსტი გამოაქვეყნა.

"როცა შენს "მტერს" ასე ემსგავსები, უკვე დამარცხებული ხარ! დამარცხებული — საკუთარ ხალხთან და სახელმწიფოსთან!" — წერს გახარია.

ამ ფორმით გახარია, სავარაუდოდ, სწორედ კადრების გავრცელებას ეხმაურება, თუმცა თავად არ აკონკრეტებს. მას აქამდეც არაერთხელ გაუკრიტიკებია ყოფილი თანაგუნდელები და უთქვამს, რომ "ოცნება განაცდა".

პენიტენიცურმა სამსახურმა გაავრცელა კადრები, სადაც ჩანს, რომ მიხეილ სააკაშვილი გლდანის ციხის სამკურნალო დაწესებულებაში ძალის გამოყენებით გადაჰყავთ.