თავისუფლების მოედანზე ექსპრეზიდენტ მიხეილ სააკაშვილის მხარდამჭერი აქცია დაიწყო. ადგილზე შეკრებილ მოქალაქეებს ამ წუთებში სიტყვით ნაციონალური მოძრაობის თავმჯდომარე ნიკა მელია მიმართავს.

აქციის მონაწილეები მთავარი მოთხოვნა სააკაშვილის პატიმრობიდან გათავისუფლებაა.

ფოტო: ანა მსხალაძე/On.ge

აქციის თავდაპირველი მოთხოვნა სააკაშვილის სამოქალაქო კლინიკაში გადაყვანა იყო. თუმცა დღეს ცნობილი გახდა, რომ ექსპრეზიდენტი მისი და მისი ადვოკატების სურვილის საწინააღმდეგოდ რუსთავის N12 პენიტენციური დაწესებულებიდან გლდანის მე-18 დაწესებულების საავადმყოფოში გადაიყვანეს.

აქცია 6 ნოემბერს რუსთავში მიმდინარე აქციაზე ნაციონალური მოძრაობის ლიდერმა, ნიკა მელიამ დააანონსა. მან სააკაშვილის კლინიკაში გადასაყვანად ხელისუფლებას 24-საათიანი ვადა მისცა, თუმცა მელიას მიერ მთავრობისთვის მიცემული ულტიმატუმის დრო გუშინ ამოიწურა.