ირლანდიის კრივის ეროვნული ნაკრების მწვრთნელი ზაურ ანთია წალენჯიხაში კრივის დარბაზს გახსნის. ამის შესახებ ინფორმაცია საკუთარ ფეისბუქგვერდზე ლელოს წალენჯიხის, ჩხოროწყუს, მარტვილისა და აბაშის რაიონების მაჟორიტარი დეპუტატობის კანდიდატმა თამარ ბელქანიამ გაავრცელა.

On.ge დამატებითი ინფორმაციის მისაღებად თამარ ბალქანიას დაუკავშირდა. თამარის თქმით, ზაურ ანთიამ სურვილი გამოთქვა, წალენჯიხაში ჯანსაღი ცხოვრების წესის განვითარებაში საკუთარი წვლილი შეიტანოს. ასევე თამარის ინფორმაციით, მალე ზაურ ანთია ზალენჯიხის ახალ მერს, გია ხარჩილავას შეხვდება.

თამარ ბელქანიას ინფორმაციით, ზაურ ანთიას სახელობის კრივის საერთაშორისო აკადემიაში ბავშვებისთვის ვარჯიში და კვება უფასო იქნება.