შინაგან საქმეთა სამინისტროს ინფორმაციით, ახვლედიანის ქუჩაზე უცხო ქვეყნის მოქალაქე ტრანსგენდერი ქალი მკვლელობაში ბრალდებული დააკავეს.

უწყების განცხადებიდან ირკვევა, რომ ბრალდებულმა ქალს 31 ოქტომბერს, ღამით მასაჟის ერთ-ერთ სალონში ცივი იარაღით სხეულზე მრავლობითი ჭრილობა მიაყენა, რის შედეგადაც ის ადგილზე გარდაიცვალა.

შსს-ს ცნობით, ბრალდებულმა იმავე სალონში მყოფ კიდევ ერთ ტრანსგენდერ ქალს მიაყენა სხეულზე დაზიანება და შემთხვევის ადგილიდან მიიმალა.

შინაგან საქმეთა სამინისტროს განცხადებით, დაჭრილის სიცოცხლეს საფრთხე არ ემუქრება.

უწყების ინფორმაციით, საქმეზე გამოძიება 108-ე მუხლით მიმდინარეობს, რაც განზრახ მკვლელობას გულისხმობს, დანაშაული 7-დან 15 წლამდე ვადით თავისუფლების აღკვეთას ითვალისწინებს.