ექსპრეზიდენტ მიხეილ სააკაშვილის განცხადებით, მათ ახლა ქუჩის პროტესტისა და ძალადობისადმი წინააღმდეგობის სრული ლეგიტიმაცია აქვთ. ის, ასევე, ოპოზიციას პარლამენტის დატოვებისკენ მოუწოდებს. ამის შესახებ მიხეილ სააკაშვილის წერილშია ნათქვამია, რომელიც რუსთავის პენიტენციურ დაწესებულებასთან მისმა ადვოკატმა, ნიკა გვარამიამ წაიკითხა.

"ახლა ჩვენ გვაქვს სრული ლეგიტიმაცია ქუჩის პროტესტისა და ძალადობისადმი წინააღმდეგობის. ძალიან შთამბეჭდავი იყო გუშინ ბატონო მამუკა ხაზარაძის ნაბიჯი. მთლიანად ვიზიარებ მის ამ პოზიციას და მთლიანად ვეთანხმები ნიკა მელიას გამოსვლას. ამავე დროს უნდა გვესმოდეს, რომ პარლამენტმა უკვე დაკარგა სახელისუფლებო პლატფორმის ფუნქცია, იქ ვერანაირი გადაწყვეტილება ვერ და არ იქნება მიღებული. ამიტომ რჩევა იქნება მიბაძონ ბატონ ხაზარაძეს, დატოვონ პარლამენტი და "ოცნება" დატოვონ საკუთარ თავთან მარტო", — აცხადებს სააკაშვილი.

31 ოქტომბერს ოპოზიციამ რუსთაველის გამზირზე აქცია გამართა. ნაციონალური მოძრაობის თავმჯდომარემ, ნიკა მელიამ პარლამენტთან შეკრებილებს სამოქმედო გეგმა გააცნო. მელიას თქმით, უკან დახევას არ აპირებენ და აქციას გამართავენ ბათუმში, შემდეგ ქუთაისში და სხვა ქალაქებში, ბოლოს 6 ნოემბერს აქცია თბილისში გაიმართება.