საქართველოს ახალგაზრდა იურისტთა ასოციაციის განცხადებით, ქართული ოცნების დამფუძნებელმა, ბიძინა ივანიშვილმა საარჩევნო კანონმდებლობა დაარღვია, რის გამოც საჩივარი დაწერეს. როგორც საიას განცხადებაში წერია, ივანიშვილთან ერთად უბანზე იმყოფებოდნენ არაუფლებამოსილი პირები, კერძოდ, მისი დაცვის წევრები.

"მთაწმინდის მე-4 საარჩევნო უბანზე, ბიძინა ივანიშვილის მიერ ხმის მიცემის დროს, იმყოფებოდნენ არაუფლებამოსილი პირები, კერძოდ, მისი დაცვის წევრები. ასეთი ფაქტი კენჭისყრის დღეს მუდმივად მეორდება ივანიშვილის მხრიდან ხმის მიცემისას, დღემდე არ აღმოფხვრილა და კვლავ გრძელდება", — ნათქვამია განცხადებაში.

საიას ინფორმაციით, ორგანიზაციამ ამ დრომდე 6 საჩივარი მოამზადა და ჩანაწერთა წიგნში 4 შენიშვნა დააფიქსირა.

დღეს, 30 ოქტომბერს ადგილობრივი თვითმმართველობის არჩევნების მეორე ტური იმართებ. მერი 15 თვითმმართველ თემსა და 5 თვითმმართველ ქალაქში, მათ შორის, თბილისში აირჩევა. გარდა ამისა, მეორე ტური გაიმართება 24 საარჩევნო ოლქში, რომლის შედეგად აირჩევა 42 მაჟორიტარი.