აშშ-ს სახელმწიფო დეპარტამენტი გმობს რუსეთში, აქციის მონაწილეების დაკავების ფაქტს და აცხადებს, რომ მშვიდობიანი მომიტინგეების, ადამიანის უფლებათა დამცველებისა და ჟურნალისტების დაკავება, დემოკრატიულ ღირებულებებს ეწინააღმდეგება:

"ჩვენ შეშფოთებულები ვართ ოპოზიციის ლიდერის ალექსეი ნავალნის დაკავებითა და ანტიკორუფციულ საპროტესტო აქციაზე ჩატარებული პოლიციის რეიდებით".

სახელმწიფო დეპარტამენტის განცხადებაში ნათქვამია, რომ ისინი აკვირდებიან სიტუაციას და რუსეთის მთავრობას მოუწოდებენ, დაუყოვნებლივ გაათავისუფლონ მშვიდობიანი მომიტინგეები:

"რუსი ხალხი, ისევე როგორც ყველა, იმსახურებს ისეთ მთავრობას, რომელიც მხარს უჭერს ღია ბაზრის იდეას, გამჭვირვალე და ანგარიშვალდებულ მართვას, თანასწორ მოპყრობასა და უნარს რომ თავიანთი უფლებები გამოიყენონ ანგარიშსწორების შიშის გარეშე".

რუსეთის ოპოზიციური პარტიის ლიდერი, ალექსეი ნავალნი მოსკოვში მისივე ორგანიზებული ანტიკორუფციული პროტესტის დროს დააკავეს. ნავალნის გარდა, დააკავეს მომიტინგეებიც დედაქალაქსა და ქვეყნის მასშტაბით.