ბოლო დღეების განმავლობაში საზოგადოების ყურადღება ადელმა მიიპყრო, რომელიც 6-წლიანი პაუზის შემდეგ ახალი სიმღერით დაგვიბრუნდა. სიმღერის გამოსვლამდე ადელი ინსტაგრამის Live-ში გულშემატკივრებს გაესაუბრა და მათ კითხვებსაც უპასუხა.

ერთ-ერთმა ფანმა ადელს, სავარაუდოდ, ხუმრობით ჰკითხა, აპირებდა თუ არა ცნობილ ანიმაციურ გმირთან, გოჭ პეპასთან თანამშრომლობას. გაოცებულმა ადელმა უპასუხა: "გოჭი პეპა? არა!"

გოჭი პეპა რისი გოჭი პეპა იქნებოდა, ადელისთვის საკადრისი პასუხი რომ არ გაეცა?! განაწყენებულმა გოჭმა ადელს ვიდეო გამოუგზავნა, რომელიც მომღერალს ერთ-ერთი ინტერვიუს დროს ანახეს.

"გამარჯობა, ადელ. ძალიან, ძალიან მეწყინა, როცა თქვი, რომ ჩემთან არ ითანამშრომლებდი. რატომ არა? არ მოგწონვარ?" — ამბობს პეპა ადელისთვის გაგზავნილ შეტყობინებაში.

გაოცებულმა ადელმა პეპა დაამშვიდა და უთხრა, რომ ნათქვამს ნანობდა და ერთად სიმღერაც შესთავაზა:

"პეპა, დღეს უკვე ვთქვი, რომ ძალიან ვნანობ. 3 წელია, შენ გიყურებ და როგორც კი ტალახიან გუბეებში ხტუნვა და სიმღერა მოგინდება, შენ გვერდით მიგულე".

ადელი ერთადერთი ცნობილი ადამიანი არაა, რომელიც პეპამ დატროლა. სექტემბერში პეპამ კანიე ვესტს დასცინა და უთხრა, რომ მუსიკალურ პლატფორმა Pitchfork-ზე პეპას ალბომს კანიეს ახალ ალბომზე მაღალი შეფასება ჰქონდა.

ამავე თემაზე: