მთავრობის ადმინისტრაციის შენობასთან, სადაც ექსპრეზიდენტ მიხეილ სააკაშვილის მხარდამჭერი აქცია მიმდინარეობს, რამდენიმე პირი დააკავეს. არსებული ინფორმაციით, დაკავებულია ორი ადამიანი, ისინი კანცელარიის შენობაზე სტენსილით "თავისუფლება მიშას" წარწერის გაკეთებას ცდილობდნენ. კადრებიდან ჩანს, რომ მათ შორის, ერთ-ერთი სამოქალაქო აქტივისტი, ნიკა ნარსიაა.

ექსპრეზიდენტის მხარდამჭერი აქცია გრძელდება. მონაწილეები სიტყვით გამოდიან, აქტივისტები სააკაშვილის მხარდამჭერ სიტყვებს სკანდირებენ: "მიშა", "თავისუფლება მესამე პრეზიდენტს" და ა.შ.

სააკაშვილი პირველ ოქტომბერს დააკავეს. მან იმავე დღეს შიმშილობა გამოაცხადა. ექსპრეზიდენტი უკვე მე-18 დღეა შიმშილობს.