კიევის მერი ვიტალი კლიჩკო საქართველოს ხელისუფლებას ექსპრეზიდენტ მიხეილ სააკაშვილის გათავისუფლებისკენ მოუწოდებს. ის დარწმუნებულია, რომ სააკაშვილის პატიმრობაში ყოფნა მცდარი და უსამართლოა და მის გასათავისუფლებლად სამართლებრივი გზები უნდა მოიძებნოს.

კლიჩკოს შეფასებით, საქართველოსა და პოსტსაბჭოთა სივრცისათვის სააკაშვილი ისტორიული ადამიანია, რომელმაც წარმატებული რეფორმები გაატარა.

"მოვლენების ასეთი განვითარება — თუ მიხეილი ციხეში დარჩება — საქართველოსთვის უფრო უარყოფითი იქნება, ვიდრე დადებითის. ამას ვამბობ, ადამიანი, რომელსაც უყვარს საქართველო და ყოველთვის მხარს უჭერდა მას", — წერს კლიჩკო Facebook-ზე.

მიხეილ სააკაშვილი 15 დღეა შიმშილობს. 10 ოქტომბერს, მისმა პირადმა, ექიმმა ნიკოლოზ ყიფშიძემ თქვა, რომ ექსპრეზიდენტის მდგომარეობა დამძიმდა. როგორც ექიმი განმარტავს, ეს შიმშილობის გამო მოხდა და მას უჭირს საუბარი და მოძრაობა. პასუხად პენიტენციური სამსახური ამტკიცებს, რომ ეს ინფორმაცია სიმართლეს არ შეესაბამება. მათი თქმით, როგორც მოშიმშილე, სააკაშვილი მუდმივად იმყოფება სამედიცინო პერსონალის დაკვირვების ქვეშ და მდგომარეობა დამაკმაყოფილებელია.

მომდევნო დღეს სააკაშვილის ადვოკატმა, ნიკა გვარამიამ განაცხადა, რომ ექსპრეზიდენტის ჯანმრთელობის მდგომარეობა დამაკმაყოფილებელია და ამ საკითხებით უტრირება არ ღირს.

გარდა ამისა, 8 ოქტომბერს პენიტენციულმა სამსახურმა გაავრცელა ინფორმაცია, რომ სააკაშვილმა ციხის მაღაზიაში 7 ქილა თაფლი შეიძინა და დაწყებული აქვს საკვების მიღება. ამას უპასუხა სააკაშვილის ექიმმა და თქვა, რომ თაფლს მხოლოდ ერთ კოვზს იღებდა და ჩაიში აგდებდა. მისივე თქმით, ამ ინფორმაციაზე სპეკულაციების შემდეგ სააკაშვილმა თაფლის მიღებაც შეწყვიტა.

ამავე თემაზე: