ქართული ოცნების საზოგადოებასთან ურთიერთობის მდივანი, შალვა პაპუაშვილი თავისუფლების მოედანზე გამართულ აქციასთან დაკავშირებით ფეისბუქგვერდზე წერს, რომ ამით მიხეილ სააკაშვილის დანაშაულების მსხვერპლებს მეგაფონით დასცინეს.

"დღეს, კიდევ ერთხელ, ახლა უკვე მეგაფონით, დასცინეს სააკაშვილის დანაშაულების მსხვერპლებს", — წერს პაპუაშვილი.

"თავისუფლება მიშას" — თბილისში ექსპრეზიდენტის, მიხეილ სააკაშვილის მხარდამჭერი აქცია მიმდინარეობს. მოქალაქეები სხვადასხვა ქალაქიდან შეუერთდნენ მსვლელობას, რომელიც რესპუბლიკის მოედნიდან დაიწყო და თავისუფლების მოედანზე გადაინაცვლა.