ქართული ოცნების დეპუტატი, ირაკლი ქადაგიშვილი აცხადებს, რომ ექსპრეზიდენტმა მიხეილ სააკაშვიმა პატივი უნდა სცეს "ოდესღაც თავისი ქვეყნის" კანონმდებლობას. ქადაგიშვილის თქმით, სააკაშვილს არ უნდა ჰქონდეს იმედი, რომ გამოიწვევს პოლიტიკურ კრიზისს.

"ნუ ექნება იმედი მას, რომ იგი გამოიწვევს პოლიტიკურ კრიზისს [...] კომპრომისი აქ არის ერთადერთი, რომ მან პატივი სცეს თავისი... ოდესღაც... ოდესღაც მისი ქვეყნის კანონმდებლობას. არ სცემდა პატივს არც პრეზიდენტობის დროს. მან შეიქმნა პუტინზე უფრო მაგარი კონსტიტუცია, ძალაუფლების კონცენტრაცია მოახდინა იმისთანა, რომ არ დასიზმრებია მსოფლიოში არავის", — განაცხადა ირაკლი ქადაგიშვილმა.

მიხეილ სააკაშვილი 12 დღეა შიმშილობს. 10 ოქტომბერს, მისმა პირადმა, ექიმმა ნიკოლოზ ყიფშიძემ თქვა, რომ ექსპრეზიდენტის მდგომარეობა დამძიმდა. როგორც ექიმი განმარტავს, ეს შიმშილობის გამო მოხდა და მას უჭირს საუბარი და მოძრაობა. პასუხად პენიტენციური სამსახური ამტკიცებს, რომ ეს ინფორმაცია სიმართლეს არ შეესაბამება. მათი თქმით, როგორც მოშიმშილე, სააკაშვილი მუდმივად იმყოფება სამედიცინო პერსონალის დაკვირვების ქვეშ და მდგომარეობა დამაკმაყოფილებელია.

მომდევნო დღეს სააკაშვილის ადვოკატმა, ნიკა გვარამიამ განაცხადა, რომ ექსპრეზიდენტის ჯანმრთელობის მდგომარეობა დამაკმაყოფილებელია და ამ საკითხებით უტრირება არ ღირს.

გარდა ამისა, 8 ოქტომბერს პენიტენციულმა სამსახურმა გაავრცელა ინფორმაცია, რომ სააკაშვილმა ციხის მაღაზიაში 7 ქილა თაფლი შეიძინა და დაწყებული აქვს საკვების მიღება. ამას უპასუხა სააკაშვილის ექიმმა და თქვა, რომ თაფლს მხოლოდ ერთ კოვზს იღებდა და ჩაიში აგდებდა. მისივე თქმით, ამ ინფორმაციაზე სპეკულაციების შემდეგ სააკაშვილმა თაფლის მიღებაც შეწყვიტა.

ამავე თემაზე: