ჯერ ის არ გვეყოფოდა, ადელმა ახალი სიმღერა და ალბომი რომ დააანონსა და იმავე კვირაში Vogue-ს ყდაზეც გამოჩნდა მთელი თავისი დიდებულებით.

უფრო მეტიც: ერთდროულად ვოგის ბრიტანული და ამერიკული გამოცემების ნოემბრის თვის მთავარი ვარსკვლავია, რაც ისევ მოდის ამ ყველაზე ცნობილი ჟურნალის ინფორმაციით, ისტორიაში პირველი მსგავსი პრეცედენტია.

ბრიტანული ვოგის ყდა.

ფოტო: Vogue

ამერიკული ვოგის ყდა.

ფოტო: Vogue

თითქმის ექვსი წელი გავიდა მას შემდეგ, რაც ადელმა თავისი წინა ალბომი 25 გამოუშვა. ამდენწლიანი პაუზის პერიოდში ის, როგორც სჩვევია, არც მედიაში ჩანდა და არც სოციალურ ქსელებში გამოირჩეოდა აქტიურობით.

ამიტომაც მისგან ყოველ ასეთ სიახლეს ერთგული ფანები განსაკუთრებული სიხარულით ხვდებიან ხოლმე.

ფოტო: STEVEN MEISEL

ადელის ფოტოსესია ბრიტანული ვოგისთვის.

ფოტო: STEVEN MEISEL

ამ დროის განმავლობაში ადელის ცხოვრებაში მნიშვნელოვანი ცვლილებები მოხდა, მათ შორის შვიდწლიანი თანაცხოვრების შემდეგ ქმარს გაშორდა. მომღერალმა ორივე გამოცემასთან ინტერვიუებში ამ გამოცდილებაზე ისაუბრა, უფრო კონკრეტულად იმაზე, თუ როგორ შეხვდა ამ ყველაფერს მათი საერთო შვილი, 9 წლის ანჯელო.

ფოტო: Vogue

ადელის ფოტოსესია ამერიკული ვოგისთვის.

ფოტო: Vogue

თანამედროვეობის ამ ერთ-ერთმა ყველაზე გავლენიანმა მუსიკოსმა თავის მომავალ ალბომზეც ისაუბრა, რომლის სახელწოდება 30 იქნება:

"ყოველთვის ვამბობ, რომ 21 მე აღარ მეკუთვნის, რადგან მან ყველა მსმენელის გულში დაიდო ადგილი. მაგრამ ამჯერად ამ ალბომის [30] ასე დათმობას აღარ ვაპირებ. ეს ჩემი ალბომია. მინდა, რომ ის სხვებსაც გავუზიარო, მაგრამ ამ ალბომს ასე მარტივად არ გავუშვებ ხელიდან".

ადელის ფოტოსესია ბრიტანული ვოგისთვის.

ფოტო: STEVEN MEISEL

ადელის ახალი სიმღერის პრემიერა 15 ოქტომბერსაა დაგეგმილი.

ასევე იხილეთ: