თბილისის სახელმწიფო უნივერსიტეტის თვითმმართველობა ამტკიცებს, რომ აუდიტორია 115-ის სტუდენტებმა, რომლებმაც თვითმმართველობის გაუქმების მოთხოვნით უნივერსიტეტში აღნიშნული სტრუქტურის ოთახი დაიკავეს, უნივერსიტეტის ქონებას ანადგურებენ:

"დესტრუქციული ჯგუფი აუდიტორია 115 დადის უნივერსიტეტში და ანადგურებენ უნივერსიტეტის ქონებას. ამ წუთებში ისინი შეჭრილები არიან 303 და 213 ოთახებში და ხევენ მნიშვნელოვანი არქივის დოკუმენტებს. მაგიდებზე დადიან ფეხებით და კომპიუტერის პაროლების გატეხვის უშედეგო მცდელობის შემდეგ მონიტპრები დააწყვეს იატაკზე.

სტუდენტური თვითმმართველობის არც ერთი წევრი და არც ერთი საღად მოაზროვნე ადამიანი
მათ რიგებში არ არის და სრულად ვიხსნით პასუხისმგებლობას პირველ კორპუსში მიმდინარე მოვლენებზე. სახელმწიფოს მოვუწოდებთ მოქმწდებისკენ. უნივერსიტეტს ანგრევენ.

ვითხოვთ კანონის უზენაესობის დაცვას".

სტუდენტურმა თვითმმართველობამ ამ განცხადებას თან დაურთო თვითმმართველობის ოთახის ჩამოხეული აბრა.

საპასუხოდ, აუდიტორია 115-მა გაავრცელა ვიდეომასალა მათ მიერ დაკავებული ოთახიდან, სადაც არ ჩანს დაზიანებული ინვენტარი. აუდიტორია 115-ის თქმით, თვითმმართველობის წევრები მიზანმიმართულად ავრცელებენ სიცრუე და მათ მიერ დაკავებულ ოთახებში არაფერი არ არის დაზიანებული.