რამდენიმე წუთის წინ თბილისში შინაგან საქმეთა სამინისტროს შენობასთან აქცია - არა ჩადებას! დაიწყო. აქციის მონაწილეები მხარდაჭერას უცხადებენ იმ ადამიანებს, რომლებიც, მათი თქმით, სამართალდამცავების მხრიდან ნარკოტიკების ჩადების გამო არიან დაკავებულები.

აქციაზე არიან საქართველოს პრეზიდენტის, გიორგი მარგველაშვილის შვილი, ანა მარგველაშვილი, რომლის მეგობარიც რამდენიმე დღის წინ ნარკოდანაშაულის ბრალდებით დააკავეს. გარდა ამისა, აქციაზეა მისული გაზეთ ქრონიკა +-ის მთავარი რედაქტორი, ელისო კილაძეც, რომლის შვილიც იმავე ბრალდებით დააკავეს.

"ვაპროტესტებ ნარკოპოლიტიკას და გვერდში ვუდგავარ ჩემს მეგობარს, რომელსაც ჩაუდეს და უსამართლო და უკანონო პატიმრობაშია. ვაპირებ რომ ბოლომდე დავუდგე გვერდით მას და ყველა იმ ადამიანს, ვისაც მსგავსი პრობლემა აქვთ," - ამბობს ანა მარგველაშვილი.