აშშ და ბრიტანეთი ზოგიერთი თვითმფრინავის კაბინაში ლეპტოპების შეტანას კრძალავს

აშშ-ისა და გაერთიანებული სამეფოს მიმართულებით მოძრავი თვითმფრინავის კაბინაში სმარტფონზე დიდი ელექტრონული მოწყობილობის შეტანა იკრძალება. შეზღუდვა ახლო აღმოსავლეთის და ჩრდილოეთ აფრიკის რამდენიმე სახელმწიფოს, ასევე, თურქეთს ეხება.

BBC-ის ცნობით, შტატების მიერ დიდი ზომის ელექტრონული მოწყობილობების აკრძალვის არგუმენტი არის ტერორიზმის საწინააღმდეგო სიფრთხილე. ეს ეხება ცხრა ავიაკომპანიას, რომელიც ათ აეროპორტში ოპერირებს. ტელეფონებს შეზღუდვა არ ეხებათ.

შტატების შემდეგ, რამდენიმე საათით მოგვიანებით, აკრძალვის დაწესების შესახებ ბრიტანეთმაც განაცხადა. არგუმენტი მსგავსია, თუმცა შეზღუდვა სხვა ავიაკომპანიებს ეხებათ.

დაუნინგ სტრიტის განცხადებით, თვითმფრინავების კაბინებში ლეპტოპების შეტანის აკრძალვა შეეხება 14 ავიაკომპანიას, რომელიც ფრენას ბრიტანეთის მიმართულებით ახორციელებს. შეზღუდვა თურქეთს, ლიბანს, იორდანიას, ეგვიპტეს, ტუნისს და საუდის არაბეთს შეეხება.

თურქეთის ხელისუფლების თქმით, აშშ-ის ქმედება არასწორია და უნდა გაუქმდეს.

დიდი ელექტრონული მოწყობილობების ატანა ბორტზე კვლავ შესაძლებელი იქნება.

კანადის ტრანსპორტის მინისტრის თქმით, მსგავსი შეზღუდვის დაწესებას კანადაც განიხილავდა.

შეზღუდვები შეეხებათ:

ბრიტანეთი - ავიაკომპანიები British Airways, EasyJet, Jet2.com, Monarch, Thomas Cook, Thomson, Turkish Airlines, Pegasus Airways, Atlas-Global Airlines, Middle East Airlines, Egyptair, Royal Jordanian, Tunis Air, Saudia.

აშშ - ავიაკომპანიები Royal Jordanian, EgyptAir, Turkish Airlines, Saudi Arabian Airlines, Kuwait Airways, Royal Air Maroc, Qatar Airways, Emirates და Etihad Airways.

აეროპორტები, რომელთაც შეზღუდვა შეეხებათ: