USAID-ის განცხადებით, ცესკოს ინფორმაციის დაცულობის ცენტრი ამერიკის მთავრობის დახმარების გარეშე ოპერირებს. ამის შესახებ მათ ოფიციალური განცხადება გაავრცელეს, სადაც აღნიშნულია, რომ თავდაპირველად მის დაარსებაში დახმარება გაუწიეს, თუმცა მოგვიანებით, ეს მხარდაჭერა შეწყვიტეს.

"ცენტრის ფუნქციონირებაზე მთლიანად პასუხისმგებელია საქართელოს ცენტრალური საარჩევნო კომისია. მივესალმებით ცენტრალური საარჩევნო კომისიის მიერ ცენტრის მუშაობაში ტექნიკური ხარვეზების იდენტიფიცირებას და მათ მიერ ამ ხარვეზების აღმოფხვრის მიზნით გადადგმულ ნაბიჯებს", — აღნიშნულია განცხადებაში.

რამდენიმე დღის წინ ცენტრალურ საარჩევნო კომისიასთან არსებულმა ინფორმაციის დაცულობის ცენტრმა გამოაქვეყნა მათ მიერ ჩატარებული მედიამონიტორინგის ანგარიში, სადაც ქართული მედიის დიდი ნაწილი დეზინფორმაციის, დისკრედიტაციის, დისკრიმინაციის, სიძულვილის ენის და ა.შ. გავრცელებაში იყო დადანაშაულებული.