ჰარი პოტერის ფილმების სერიის ვარსკვლავი ტომ ფელტონი ვისკონსინის შტატში 23 სექტემბერს გამართულ გოლფის მატჩზე შეუძლოდ გახდა და მისი კლინიკაში გადაყვანა გახდა აუცილებელი.

მედიაში გავრცელებული ინფორმაციის თანახმად, ეს ცნობილი ბრიტანელი მსახიობი გოლფის მატჩის მიწურულს მოულოდნელად მიწაზე ჩაიკეცა და ფეხზე დამოუკიდებლად წამოდგომას ვეღარ ახერხებდა.

შემთხვევის ადგილზე გადაღებული ფოტოებიდან ირკვევა, რომ ტომ ფელტონი აღნიშნული შემთხვევისას გონზე იყო და მას ისე ეხმარებოდნენ გადაადგილებაში.

ფოტო: AP

BBC-ის ინფორმაციით, ჯერჯერობით ოფიციალურად არაფერი თქმულა, თუ რამ გამოიწვია ეს "სამედიცინო ინციდენტი" ან როგორია ფელტონის მდგომარეობა ამჟამად.

ინტერნეტში შემთხვევის ადგილიდან ვიდეოკადრებიც გავრცელდა, თუ როგორ გადაიყვანეს მსახიობი საავადმყოფოში:

ტომ ფელტონს მაყურებლების დიდი ნაწილი ჰარი პოტერის ფილმებიდან დრაკო მალფოის როლით იცნობს.

მას სულ რამდენიმე დღის წინ, 22 სექტემბერს, 34 წელი შეუსრულდა.