Universal Pictures-მა დააანონსა, რომ უახლოეს მომავალში თეთრი სახლის სტენოგრაფის დაწერილი წიგნის მიხედვით ბარაკ ობამას შესახებ ფილმს გადაიღებენ.

"შეიძლება ითქვას, რომ ეს კომედია იქნება, სახალისო და საინტერესო ფილმი იმაზე, თუ როგორ ისვენებდა და რას აკეთებდა პრეზიდენტი თეთრ სახლში მაშინ, როცა პოლიტიკისგან განტვირთვა სურდა", ამბობს ფილმის ერთ-ერთი პროდიუსერი ეშლი ზალტა.

სიუჟეტი მთლიანად დაცლილი იქნება პოლიტიკისგან და მთავარი აქცენტი ობამას თეთრ სახლში ყოფნის პერიოდზე გაკეთდება. ასახული იქნება მისი ურთიერთობა თეთრი სახლის მომსახურე პერსონალთან და საპრეზიდენტო ადმინისტრაციის წევრებთან.