BBC-ის ინფორმაციით, ქაბულში, პრეზიდენტის სასახლეში თალიბანის ლიდერები ერთმანეთს დაუპირისპირდნენ.

მათივე ცნობით, აზრთასხვადასხვაობა აბდულ ბარადარისა და ხალილ ურ-რამან ჰაქანის მხარდამჭერებს შორის გამოიწვია იმან, თუ როგორ განაწილდებოდა ძალაუფლება.

BBC-ს თალიბანის წყარომ განუცხადა, თალიბანის მთავრობის ვიცე-პრემიერი, აბდულ ბარადარი უკმაყოფილო იყო ახალი მთავრობის სტრუქტურით.

აბდულ ბარადარი ფიქრობს, რომ აქცენტი უნდა გაკეთდეს დიპლომატიაზე, ხოლო ჰაქანის მხარდამჭერები ამბობენ, რომ გამარჯვება ბრძოლის შედეგად იქნა მიღწეული.

ბარადარი პირველი ადამიანი იყო, ვინც ესაუბრა ამერიკის შეერთებული შტატების პრეზიდენტს. ის 2020 წელს ტელეფონით ესაუბრა დონალდ ტრამპს. მანამდე მან თალიბანის სახელით ხელი მოაწერა დოჰას შეთანხმებას ამერიკის ჯარების გაყვანის შესახებ.

ამავე დროს, ჰაქანის ქსელი დაკავშირებულია ყველაზე უფრო ძალადობრივ შეტევებთან, რომელიც გასულ წელს განხორციელდა ავღანურ ძალებსა და მათ დასავლელ მოკავშირეებზე. ეს ჯგუფი აშშ-ის მიერ ტერორისტულ ორგანიზაციად არის გამოცხადებული. მათი ლიდერი თალიბანის მთავრობის შინაგან საქმეთა მინისტრია.

ხმები იმის შესახებ, რომ არსებობდა კონფლიქტი ვრცელდებოდა გასული კვირიდან, როდესაც ბარადარი გაუჩინარდა, თალიბანის წყარომ კი BBC-ის უთხრა, რომ მან ქაბული დატოვა.

თალიბანმა განაცხადა, რომ დაპირისპირება არ ყოფილა და აბდულ ბარადარი უსაფრთხოდაა, თუმცა დაადასტურეს, რომ იყო ურთიერთსაწინააღმდეგო განცხადებები გაკეთდა. პრესსპიკერმა თქვა, რომ ის ყანდაარში თალიბანის ლიდერთან შესახვედრად ჩავიდა, თუმცა მოგვიანებით თქვეს BBC-სთან, რომ ბარადარი დაღლილი იყო და სჭირდებოდა დასვენება. წყარომ, ასევე, განაცხადა, რომ ბარადარი აპირებს დაბრუნებას ქაბულში, რათა უარყოს ხმები დაპირისპირების შესახებ.