საქართველოს ფინანსთა სამინისტროს საგამოძიებო სამსახური აცხადებს, რომ, წინასწარი შეთანხმებით ჯგუფის მიერ განსაკუთრებით დიდი ოდენობით ყალბი აქციზური მარკების დამზადება - გასაღების ბრალდებით, საქართველოს ორი მოქალაქე დააკავეს.

გამოძიების ვერსიით, დაკავებულებმა უახლესი პოლიგრაფიული ტექნოლოგიების გამოყენებით, დაამზადეს 1 500 000 ერთეული თამბაქოს ნაწარმისთვის განკუთვნილი ყალბი ქართული აქციზური მარკა.

საგამოძიებო სამსახურის ცნობით, სამართალდამცავებმა ბრალდებულები ყალბი აქციზური მარკების 750 000 ლარად რეალიზაციის დროს დააკავეს. უწყების შეფასებით, ყალბი აქციზური მარკების გამოყენებისა და რეალიზაციაში ჩაშვების შემთხვევაში სახელმწიფო ბიუჯეტს მიადგებოდა 2 550 000 ლარის ოდენობის ზიანი.

საქმეზე გამოძიება მიმდინარეობს საქართველოს სისხლის სამართლის კოდექსის მე-2001 მუხლის მე-2 ნაწილის ბ და მე-4 ნაწილის ა პუნქტებით, რაც სასჯელის სახით ითვალისწინებს თავისუფლების აღკვეთას 9-დან 12 წლამდე ვადით.