ნეტფლიქსის ერთ-ერთი გამორჩეული სერიალის, Sex Education-ის მესამე სეზონის პრემიერა გვიახლოვდება — 17 სექტემბრამდე სულ ცოტა დრო რჩება. ეს მოლოდინი სერიალის ახალმა და ემოციურმა ტრეილერმა კიდევ უფრო გაგვიმძაფრა.

ახალ სეზონში მნიშვნელოვანი ცვლილებები გველის: როგორც ჩანს, სექსუალური განათლების შესახებ ოტისისა და ჯინის მიერ ჩატარებული გაკვეთილებით ყველა კმაყოფილი ნამდვილად არაა. მათ შორის სკოლის ახალი დირექტორიცაა, რომელიც მორდეილის გარდაქმნას გვპირდება.

შეცვლილი იმიჯით დაბრუნებული ჩვენი საყვარელი პერსონაჟები, მეივსა და ოტისს შორის გაურკვევლობა, ახალი წესები, ურთიერთობები, ბევრი ცეკვა, ბევრი სიცილი და ბევრი ცრემლი — ახალი ტრეილერი ნამდვილად ემოციურ სეზონს გვპირდება.

Sex Education-ის პრემიერა ნეტფლიქსზე 2019 წელს შედგა და მაყურებელთა აღფრთოვანება და სიყვარული მალევე მოიპოვა. გარდა საინტერესო და დასამახსოვრებელი პერსონაჟების წარმოდგენისა, სერიალი მაყურებელს ისეთ მნიშვნელოვან თემებზე აწვდის ინფორმაციას, როგორიც სექსი, სექსუალობა, გენდერი და ა.შ.

ამავე თემაზე: