დეპუტატი გურამ მაჭარაშვილი აცხადებს, რომ აცხადებს, რომ "ევროპული ტიპის სახელმწიფოებში" არ არის მიღებული ისეთი შეთანხმებები, როგორიც მიშელის დოკუმენტი იყო. მისი თქმით, ქართულ ოცნებას შეთანხმებაზე ხელმოწერა ოპოზიციის გამოწვეული "არასწორი და გაჯიუტებული პროცესების გამო მოუწია".

"მოვაწერეთ ხელი იმიტომ, რომ საერთაშორისო პარტნიორებთან გვქონდა ძალიან მჭიდრო ურთიერთობები. გვქონდა სურვილი, რომ ოპოზიციას, მიუხედავად იმისა როგორია, კარგია, ცუდია თუ ასეთია, პარლამენტში რაღაცა ფუნქცია შეესრულებინა. მესამე, რაც ყველაზე მთავარია, ეს სჭირდებოდა საქართველოს სახელმწიფოს. თორემ, ასეთი ტიპის შეთანხმებები, დამერწმუნეთ, რომ არც ევროპული ტიპის სახელმწიფოებში არ არის მიღებული. ჩვენმა ევროპელმა პარტნიორებმაც არაერთხელ აღნიშნეს, რომ ეს არ არის კარგი და ორიგინალური გადაწყვეტილება, მაგრამ, მოდით, ამ ეტაპზე იქნებ ღირდეს ამ პოლიტიკური პროცესების ნორმალიზაციისთვის. აი, ამიტომ მოვაწერეთ ხელი ჩვენ ამ შეთანხმებას", — აცხადებს გურამ მაჭარაშვილი.

ის ამტკიცებს, რომ შეთანხმებიდან არა ქართული ოცნება, არამედ ოპოზიცია გამოვიდა და საბოლოოდ, ბუნებრივად აღმოჩნდა, რომ იგი ანულირდა.

გაიგე მეტი: